Соглaсно објавениот Конкурс за финансирање на проекти од национален интерес во филмската дејност за организирање на домашни фестивали и други филмски манифестации од меѓународен карактер во 2018 година, при одлучувањето Агенцијата за филм се раководеше од приоритетите и критериумите за вреднување на пристигнатите пријави, како и според рестриктивниот овогодишен буџет и пристапи кон спроведување на законската процедура.
Агенцијата за филм согласно Нацрт-стратегијата за културен развој 2018-2022 година на Министерството за култура се водеше и од неопходноста за квалитетна селекција на поддршката на филмски фестивали и нејзина децентрализација.
По разгледувањето на сите пристигнати пријави за организација на филмски фестивали и манифестации во 2018 година од страна на членовите на Филмскиот совет беше констатирано дека е преголем бројот на филмски фестивали кои се организираат во Република Македонија. Повеќето од фестивалите не се разликуваат по концептот и програмите, а и не го потврдуваат квалитетот и оправданоста за нивното опстојување. Поединечно беа евалуирани сите пријавени фестивали и согласно критериумите акцентот беше ставен на веќе етаблираните и квалитетни фестивали чие реноме, традиција, континуитет и афирмативни вредности на филмската култура во Република Македонија го потврдуваат тоа.
| Бр. | Назив на проект | Име на подносител | Поддршка (Ден.) |
|---|---|---|---|
| 1. | Меѓународен филмски фестивал за анимиран филм Скопје Фест „Анимакс“ | Аурипигмент ДООЕЛ Скопје | 500.000 |
| 2. | Интернационален фестивал на филмска камера „Браќа Манаки“ | Друштво за филмски работници на Република Македонија | 8.000.000 |
| 3. | Тетова Интернационален филмски фестивал „ОДА“ | Здружение на филмски уметници Тетова интернационал филм фестивал | 3.000.000 |
| 4. | Интернационален филмски фестивал „Астерфест 2018“ | Асоцијација на фестивалски активности Тивериополска Филмска Алијанса Астерфест - Институт за краток и документарен филм Струмица | 800.000 |
| 5. | Фестивал на нов европски филм "Beach Film Festival 2018" | Пик Продукција ДООЕЛ Прилеп | 300.000 |
| 6. | „47 Државен фестивал на непрофесионален филм“ | Кино сојуз на Македонија | 250.000 |
| 7. | Меѓународен фестивал на етнолошки филм „Кратово 2018“ | Македонско Етнолошки Друштво | 120.000 |
| 8. | Фестивал на планински филм „ЕХО“ | Здружение на граѓани за организација на филмски фестивал на алпинизнот.ОРГ | 400.000 |
| 9. | „Златно тркало 2018“ | Супер Продукција БТР ДООЕЛ Скопје | 300.000 |
| 10. | „Филозофски Филмски Фестивал“ | Филозофско друштво на Македонија | 800.000 |
| 11. | Фестивал на европски филм „Cinedays“ | ЈУ Младински Културен Центар | 4.000.000 |
| 12. | „Скопје Синема Сити“ | Номад Арт Скопје - Здружение за афирмирање на културата на Р. Македонија | 700.000 |
| 13. | Интернационален фестивал на аматерскиот документарен филм „Камера 300“ | Кино видео клуб Студио Милтон Манаки Битола | 250.000 |
| 14. | Меѓународен фестивал на креативен документарен филм „МакеДокс“ | Здружение за промоција на документаристика МакеДокс | 2.600.000 |
| 15. | Патувачко кино „МакеДокс 2018“ | Здружение за промоција на документаристика МакеДокс | 300.000 |
| 16. | Скопје Филм Фестивал | Скопје Филм Фестивал | 2.500.000 |