Врз основа на член 31 од Законот за филмска дејност („Службен весник на РМ“ бр. 82/2013), Агенцијата за филм на Република Северна Македонија ги повикува сите филмски продуценти кои имаат реализирано филмови со финансиска поддршка од Агенцијата, да достават податоци за остварениот приход од продажба и користење на филмовите.
Што е потребно да се достави:
- Податоци за вкупниот приход остварен од користење и продажба на филмот
- Финансиска документација врз основа на која е утврден нето-приходот
- Податоци за периодот на кој се однесува приходот
Рок за доставување:
Заклучно со 30 март 2026 година
Начин на доставување:
Документацијата да се достави:
- по електронски пат на официјалната е-пошта на Агенцијата, или
- во писмена форма преку архивата на Агенцијата за филм
Правна напомена:
Ненавремено доставување на податоците и неизвршување на обврските утврдени со член 31 од Законот за филмска дејност може да резултира со ограничување на правото на учество на идни конкурси, во согласност со законските одредби.